مڈگاوں، 8 ؍ ستمبر (ایس او نیوز) گوا کے مڈگاوں  میں اسکولی بچوں کو لے جا رہی بس  اور ایک موٹر بائک کے درمیان ہوئے  تصادم ے میں بائک سوار ہلاک ہوگیا ۔
    
پولیس ذرائع کے مطابق  بدھ  کو پیش آئے  اس حادثے میں ہلاک ہونے والے بائک سوار  نوجوان کی شناخت 18 سالہ  جیسورڈ مارٹنس کے طور پر کی گئی ہے ۔ بس کی ٹکر کی وجہ سے اس کو گہری چوٹیں آئیں اور زخمی حالت میں اسپتال کی طرف لے جاتے وقت اس نے راستے میں ہی دم توڑ دیا ۔ کیوپیم پولیس نے کیس درج کر لیا  ہے۔